”رغم المرض” الخطيب يطالب خالد بيبو بتغليظ عقوبة أفشة

كشف الإعلامى محمد الليثى أن أزمة مارسيل كولر مدرب الفريق مع محمد مجدي أفشة لاعب الفريق واللي أشتعلت بشكل واضح الساعات اللي فاتت حيث الأزمة خدت مُنحنى خطير لما كولر استبعد أفشة من ماتش الإسماعيلي اللي إتلعب أمس في الدوري ، ومن ساعتها وجمهور الأهلي بيسأل عن الكواليس والتفاصيل ومستجدات الأزمة.

وأوضح محمد الليثى خلال تقديمة برنامج 10 و 10 عبر إذاعة أون تايم سبورت إف ام على موجات 93.7 قائلا " مصادرنا في الأهلي ، قالت لينا أن كابتن محمود الخطيب رئيس النادي أتكلم مع خالد بيبو مدير الكرة وأستفسر منه عن واقعة أفشة ، وأكدت المصادر أن خالد بيبو قال لرئيس الأهلي أن أفشة أتكلم بطريقة مش ظريفة مع كولر وقاله كمان أن اللاعب أتهم المدير الفني بأنه بيجامل في التشكيل وبيختار لاعبين مش جاهزين للمباريات ومش حيادي ، عشان كدة المدرب السويسري زعل جداً من أفشة ورفض إتهاماته واستبعده من ماتش الإسماعيلي كما تم تغريم اللاعب مالياً ".

وتابع محمد الليثى "المصادر أكدت أن الخطيب طلب من خالد بيبو تغليظ عقوبة أفشة عشان يبقى فيه أنضباط جوه أوضة اللبس وعشان محدش يعترض على قرارات المدرب بعد كدة ولا يتكلم معاه بطريقة غير لائقة ورغم مرض الخطيب اللي منعه من التواجد في النادي اليومين اللي فاتوا لُمباشرة أعماله ومن حضور حفل تكريم فريق الكرة الطائرة بالنادي ، إلا أنه أتكلم مع خالد بيبو وطلب منه فرض عقوبات صارمة على أي لاعب يتجاوز في حق أي فرد في منظومة الكرة بالأهلي".