حسام عاشور يعتذر للخطيب ويؤكد: الناس كلها بتغلط

وجه حسام عاشور، لاعب الأهلي السابق، رسالة مؤثرة إلى جماهير القلعة الحمراء ومحمود الخطيب رئيس النادي.

وقال عاشور في تصريحات تلفزيونية: «أنا بحب الكابتن محمود الخطيب وبحترمه جدا وبقدره، وأنت عارف حبي ليك عامل ازاي يا كابتن، ولما كنت بلعب كان دائما بيتكلم معايا وبيديني من خبراته الكبيرة كقائد للنادي الأهلي».

وأضاف: «مش هقول أنا بتأسف، بس هقول الناس كلها بتغلط».

وعن طلباته من محمود الخطيب، قال عاشور: «لا توجد أي طلبات أطلبها من الكابتن محمود الخطيب، لكني بطلب من جماهير الأهلي إنه لو حد زعلان مني ميزعلش، لأني محبش إن أي حد يقول أنا زعلان من حسام عاشور».

وأتم: «جمهور الأهلي رقم واحد في الوطن العربي، وبالنسبة لي رقم واحد في العالم، وساندني كثيرا وأنا لاعب في النادي، لذلك أراه جمهورا عظيما».