رئيس اللجنة الطبية باللجنة الأولمبية: هناك شبهة تلاعب في عينة رمضان صبحي

كشف حسن كمال رئيس اللجنة الطبية باللجنة الأولمبية عن مفاجآت منتظرة في أزمة رمضان صبحي لاعب فريق بيراميدز بعد الحصول على عينة من اللاعب قبل انطلاق بطولة الدوري المصري وأظهرت النتائج بأنها فاسدة مما تسبب في أزمة كبيرة للاعب.

وقال حسن كمال خلال تصريحات إذاعية : «المعلومة اللي عندي في قصة رمضان صبحي إن العينة مش مطابقة ولكن اللاعب مش بيدخل الحمام وياخد العينة لا بيكون موجود أمام مراية والمسؤول يكون قدامه من الضهر عشان عدم التلاعب مثلما يتردد بأن حدث مشكلة في العينة».

وتابع : «فيه جزء هيخص المسؤول عن أخذ العينة وفيه جزء هيخص تداول العينة لغاية ما وصلت المعمل والمفروض لو المسؤول شك في تلاعب يدون في تقريره بأن حدث تلاعب من اللاعب رمضان صبحي غير مدان حتى الآن لحد ما نعرف المشكلة فين ولكن لو العينة غير مطابقة ده هيكون ملف كبير جدا».