مرتضى منصور يوجه رسالة لـ كهربا.. ويطالب بشطب لاعب بيراميدز

شن مرتضى منصور رئيس مجلس إدارة نادى الزمالك، هجومًا على أحمد الشناوي، حارس مرمي الفريق الأول لكرة القدم بنادي الزمالك، بعد خسارة فريقه أمام الأهلي بثلاثة أهداف دون رد.

وقال مرتضى منصور، في تصريحات تليفزيونية :" لازم قبل ما نبارك للأهلي على الفوز أمام بيراميدز لازم نبارك لأحمد الشناوي اللي مفوت الماتش، ده أخر جون دخله بإيده".

وتابع رئيس الزمالك موجها حديثه لمحمود الخطيب:" ياخطيب نفس اللي حصل في مباراة الزمالك والأهلي، لما طلبت من تركي آل الشيخ، الاجتماع مع أحمد الشناوي، قبل مباراة القمة ب24 ساعة، وتاني يوم لما نلعب الماتش نشيل تلاتة نفس التلاتة اللي شالهم بيراميدز، وهو نفس الشناوي وهو نفس الأهلي، وأنا لو من سالم الشامسي رئيس بيراميدز، اشطب أحمد الشناوي".

وأكمل:" مباراة بيراميدز خدعة وجماهير الأهلي المحترمة العظيمة عارفة إن الماتش ده خدعة، لأن مستوى الأهلي تحت، ومش كل ماتش هتلاقي جون اسمه أحمد الشناوي، واقف فيه وإلا بقى هيلاعبوا سيراميكا كليوباترا هياخدوا أحمد الشناوي، أو يلاعبوا أي فريق ياخدوا أحمد الشناوي، مش ممكن أحمد الشناوي، هيبقى في كل المباريات".

ووجه مرتضى رسالة لكهربا قائلا:" بقول لكهربا أفضل العب براحتك، وانا عاوزك تلعب لحد ما المبلغ يتضاعف إلى 400 مليون جنيه، خليك ماشى ورا الأسطورة اللى ضيعك، والفائدة مركبة على المبلغ كله عندما يتضاعف وسأحجز على ملابسك الداخلية إذا لم تدفع غرامة الزمالك".