تصريحات نارية من مرتضى منصور بعد ثلاثية فاركو

كشف مرتضى منصور، رئيس مجلس إدارة نادي الزمالك، أسباب عقد اجتماع مجلس الإدارة بمنزله أمس وليس بمقر النادي بميت عقبة.

وقال مرتضى في تصريحات في فيديو عبر صفحته على "الفيس بوك"، إنه يريد دخول النادي إلا بعد حل مشكلة فك قيد اللاعبين الثلاثة في نادي الزمالك.

وتابع رئيس الزمالك:"نحن في اجتماع مجلس إدارة وكل الحلول الواردة وسوف نتخذ قرار لصالح مصر ونحن ضد نزول الجماهير للشارع".

وعن خطأ حسام عبدالمجيد في مباراة فاركو قال:"اتفرجوا على احسن مدافع في مصر وهو بيشوط الهوا، اللي خلاه يشوط الهوا اللي شد رجله واحنا مش شايفينه، ما احنا مش هُبل، والموضوع زاد عن حده أنا ممكن أواجه أي حد لكن مش أواجه حد أنا مش شايفه، دلوقتي دي مواجهة مع ناس احنا مش شايفنها".

وعن حل مجلس الإدارة قال:"أنا عاوز أقول للناس اللي بتقول إن مجلس إدارة الزمالك هيتحل وهيمشي، احنا فاضلنا شهر ونصف ويكون المجلس كمل سنة، احنا مش من النوع اللي يمشي ويهرب من المسؤولية، وأنا أسهل حاجة أمشي ولكن الأبطال والأسود والرجالة مبيهربوش وده معناه اننا بنط من المركب وبنسيب النادي يغرق وده مش هيحصل".

وأكمل رئيس الزمالك:"أنا كنت زهقت وقرفت وقدمت استقالتي أكثر من مرة للدكتور أشرف صبحي، وزير الشباب والرياضة، ولكن أنا ومجلس الإدارة قاعدين لنهاية مدتنا وربنا يسهل قاعدين لمدة تانية وتالتة ورابعة احنا مش ماشيين".