ميدو: الأهلي يحتاج 7 صفقات.. وسواريش هيجيله "كوابيس" لهذا السبب!

أهلى أونلاين

انتقد أحمد حسام ميدو، المدير الفين الأسبق للفريق الأول لكرة القدم بنادي الزمالك، أداء لاعبي الأهلي رغم الفوز على بتروجت بهدفين دون رد، في نصف نهائي كأس مصر بالموسم الماضي.

قال ميدو في تصريحاته عبر برنامج الريمونتادا على قناة المحور: "ريكاردو سواريش هيجيله كوابيس إنهاردة بليل ده لو نام، بسبب مستوى لاعيبة الأهلي اللي يقلق أي مدرب".

أضاف: "في مشكلة كبيرة جدا في قرارات لاعيبة الأهلي، ومستواهم خلال الفترة الأخيرة".

وواصل: "مستوى لاعيبة الأهلي بالنسبة لريكاردو سواريش كابوس، ومتأكد إن ريكاردو سواريش بين شوطين مباراة الأهلي وسموحة ، جه في دماغه إنه محتاج شغل كتير جدا مع لاعيبة الأهلي".

وأكمل: "معظم فرق الدوري المصري لاعيبتهم بتاخد قرارات غلط وأغلب اللاعيبة دي لاعيبة دولية".

وأردف ميدو: "الأهلي محتاج على الأقل 6 أو 7 لاعيبة، عشان يقدروا ينافسوا على أفريقيا بشكل مُطمئن لجمهورهم وإدارتهم"

أضاف: "الزمالك وبيراميدز برضو محتاجين 6 أو 7 لاعيبة، عشان ينافسوا على أفريقيا وتغيير شامل".

وتابع: "الأهلي محتاج حارس مرمى، وظهير أيمن وقلب دفاع، وجناح هجومي ولاعب خط وسط، وظهير أيسر ورأس حربة أيضا".

واستكمل ميدو:" قد تكون مهمة ريكاردو سواريش الأصعب في تاريخ الأهلي الحديث ومهمته أصعب من مانويل جوزيه، ومن كل المدربين الذين عملوا في الأهلي في السنوات الأخيرة"

وأتم: "ظهير الأهلي لا يجيد إرسال عرضية، الأمور في الأهلي صعبة بالنسبة للاعبين الحاليين".

إقرأ ايضا..

بفرمان شركة الكرة.. رحيل ثنائي الأهلي في الصيف